நட்பு

மலருக்கும் வண்டுக்குமிடை
மகரந்த நட்பு
கடலுக்கும்  நதிக்குமிடை
நாணல் நட்பு

தாய்க்கும் சேய்க்குமிடை
உயிரே நட்பு
தந்தைக்கும் மகனுக்குமிடை
அறிவே நட்பு

தள்ளாத வயதில்
தடியும் நட்பு
தர்மம் செய்வோர்க்கு
மனமே நட்பு

மனிதனுக்கும் கடவுளுக்குமிடை
அருள்தான் நட்பு
மகாத்மாகளுக்கு
சேவையே நட்பு

உயிரே உனக்காக என்பது
உடல் நட்பு
உயிரோடு கலப்பது
உண்மை நட்பு

அரசியல்வாதிகளுக்கு
சந்தர்ப்பமே நட்பு
அறிவார்ந்தோர்க்கு
ஆயிரம் நட்பு

ஆயிரம் வழிகளில்
அமைந்திடலாம் நட்பு
அளவுக்கு மீறினால்
அதுவும் கசப்பு

இங்கொன்று பகர்வது
எனது பொறுப்பு
இயம்பாமல் இருப்பின்
இல்லை இனிப்பு

உயிரில் கலந்த ஒருவரின்
உண்மை நட்பும்
உறவோடு உயிரில் கலந்த
மனைவியின் வாழ்க்கை நட்பும்

கிட்டிடின் அதுவே ஆயிரமாயிரம்
சிறப்பினும் சிறப்பு
ஆஹா அமைவது
அவரவர் மனமதை பொறுத்து