ஏற்றம் எப்போ

ஏர் பிடிச்ச உழவனுக்கு
ஏத்தம் எப்போங்க -இத
எடுத்து நாம கேட்டுப்புட்டா
என்ன தப்புங்க

எருதை பூட்டி உழவனொருவன்
இறை ஓட்டுறான் அந்த
ஏழையின் உழைப்பிலொருவன்
காரை ஓட்டுறான்

கலை எடுக்க வந்தவர்க்கு
கஞ்சி கெடைக்கல -உழவன்
காசிளொருவன் காலையில
காப்பி குடிக்குறான்

கூலி உயர்த்தி கேட்டுப்புட்டா
குத்தமெங்குறான் -ஏழை 
கூழு கூட கெடககலேன்னு
நித்தம்  ஏங்குறான்

ஏர் உழவன் இந்நாட்டின்
முதுகுகெலும்பு  என்குறான் -உழவன்
உழைத்து உழைத்து முதுகுகெலும்பு
வளைந்து கெடக்குறான்

அடுக்கடுக்காய் பணத்தை பதுக்கி
அரசை ஏய்க்குறான் -உழவன்
அடுத்த வேலை உணவில்லாமல்
வாடி   வதந்குறான்

                உழவன்

பஞ்சமெனும் தரித்திரம் போக்கி
பசுமை எனும் சரித்திரம் படைத்து
வறுமை எனும் நோயை நீக்கி
பெருமையை நாட்டுக்கு தரும்
பொறுமையானவனே உழவன்

           அட்சய பாத்திரம்

நஞ்சையும் ,புஞ்சையும்
பஞ்சத்தை போக்கி -வயிற்றிற்கு
கஞ்சியும் கொடுத்து -உடுக்க
பஞ்சையும் கொடுக்கும் அட்சையபாத்திரம்

அட்சையபாத்திரம் ஆளும் முறையில்
அதிசய பத்திரம் -அதில்
உடல் அலைச்சலை கொடுத்து -விளைச்சலை
பெருக்கி -மன
உளைச்சலை நீக்கிடும் உழவனுக்கே -நம்
ஆயிரமாயிரம் சோத்திரம்


              நன் செய் [நஞ்சை ]
நஞ்சை எனும் வஞ்சிக்கொடி
காஞ்சி தர வந்தால்
அல்லல்படும் ஏழைகளின்
நெஞ்சிலே நிறைந்தால்

ஊருக்கெல்லாம் உணவளித்து
உள்ளம் மகிழ்ந்தாள்
பாரில் அவள் பசுந்தளிறாய்
பஞ்சமத்தை களைந்தால்

வேர்வை சிந்தி உழைப்பவருக்கு
வெள்ளாமை தந்தாள்
சோர்வை நீக்கி உழைப்பவருக்கு
இல்லாமை களைந்தால்